Patisserie Mon cher (已結業)

今日放工路過呢間日式蛋糕店，主打日式忌廉蛋捲和近期很受歡迎的流心忌廉芝士蛋糕。一入去店鋪裝橫的感覺好冠冕堂皇，雖然堂食座位並不算多，但係心思絕不馬虎，座位前都擺放住一個金色瓦面鏡鐵盤，情境十足貴婦人下午茶的點心款待，少女心十足。初次嘗試就點了一個店內招牌的原味堂島卷。其實就是原味忌廉蛋捲，先講外層海綿蛋糕，蛋香味十足，海綿蛋糕十分軟滑，面頭加上糖霜粉，帶點微甜的感覺。而主角當然非忌廉莫屬，既邪惡又吸引既一大舊忌廉，口感十分creamy，並選用100%北海道忌廉製成，所以奶香味濃郁，配合海綿蛋糕食用，口感豐富，但整體感覺並唔屬於過甜，所以喜歡食忌廉蛋糕的朋友絕對不能錯過啊。今次十分滿意，期待下次會嘗試芝士千層蛋糕也有另一番滋味！