影片
更多
2020-07-08
331 瀏覽
其實我不嬲都好鍾意食印度菜，但係講真，要搵到志同道合一齊都鍾意食印度菜嘅朋友都唔係咁容易。難得今晚約多幾個都愛食印度菜嘅朋友，就俾心機搵一個適合我哋一邊傾偈，一邊欣賞印度菜嘅地方。呢間餐廳個名好特別，叫Hello India! 原來老闆想將印度比較活潑可愛嘅一面帶畀香港人 ，所以呢度嘅裝修充滿色彩，有傳統嘅印度風格之餘，亦有將一眾大明星嘅公仔畫成壁畫，你又認得幾多個？眾所周知，印度菜主要係以香料同咖喱搭配唔同嘅食材製作而成，呢間餐廳嘅老闆係素食者，佢太太係肉食者，所以呢間餐廳嘅餐牌既有肉食，亦有素菜，所以都好適合香港人嘅口味。今晚我哋四個人，主要叫一啲小食同埋簡單嘅主菜。首先就係呢個雜菜咖喱角，大大隻咖喱角，裏面有啲青豆蓉同埋雜菜，外皮唔算太厚，餡料亦都好多香料，很適合作為開胃小食。跟住呢個小食非常之特別，叫做炸米餅配薄荷汁，賣相就好似一shot shot cocktail，食嘅時候將下面嘅汁倒入上面嘅炸米餅，感覺非常清新， 充滿驚喜。食印度菜又點少得食印度烤餅Naan呢？今晚我地揀嘅係蒜味烤餅，用嚟配之後嘅咖喱汁真係非常之開胃。主菜方面，有我最鍾意嘅印度芝士菠菜，我覺得呢個差唔多係每
呢間餐廳個名好特別，叫Hello India! 原來老闆想將印度比較活潑可愛嘅一面帶畀香港人 ，所以呢度嘅裝修充滿色彩，有傳統嘅印度風格之餘，亦有將一眾大明星嘅公仔畫成壁畫，你又認得幾多個？
眾所周知，印度菜主要係以香料同咖喱搭配唔同嘅食材製作而成，呢間餐廳嘅老闆係素食者，佢太太係肉食者，所以呢間餐廳嘅餐牌既有肉食，亦有素菜，所以都好適合香港人嘅口味。
今晚我哋四個人，主要叫一啲小食同埋簡單嘅主菜。首先就係呢個雜菜咖喱角，大大隻咖喱角，裏面有啲青豆蓉同埋雜菜，外皮唔算太厚，餡料亦都好多香料，很適合作為開胃小食。
跟住呢個小食非常之特別，叫做炸米餅配薄荷汁，賣相就好似一shot shot cocktail，食嘅時候將下面嘅汁倒入上面嘅炸米餅，感覺非常清新， 充滿驚喜。
食印度菜又點少得食印度烤餅Naan呢？今晚我地揀嘅係蒜味烤餅，用嚟配之後嘅咖喱汁真係非常之開胃。
主菜方面，有我最鍾意嘅印度芝士菠菜，我覺得呢個差唔多係每次食印度野都會有一個主菜，啲菠菜用攪拌機同芝士混合成蓉，香濃幼滑，同印度薄餅好夾。
第二道主菜係印度咖喱雞，呢度嘅咖喱香而不辣，咖喱汁用咗好多種香料，一端上枱一陣陣香味撲鼻，配襯埋個印度薄餅，我一個人都可以食一碟！
唔知點解覺得印度人整雞真係有一手，呢個特色烤雞又係一個signature dish，用鐵板上嘅烤雞熱辣辣，雞肉嫩滑，調味惹味，一人一份都唔會嫌多！
最後要食返啲蔬菜，叫咗呢個炒雜菜球，同平時炒雜菜有啲唔同，餐廳用咗薯仔同其他豆類混合成球狀，再用啲秘製香料炒香，完全唔似食緊素食。
整體來講，呢間餐廳無論裝修、食物質素、以至服務都比同區其他印度餐廳高分，下次嚟開尖沙咀想食印度野，除咗重慶大廈之外，又有多個新嘅選擇！
張貼
