美食堂 (已結業)

呢間主打國際美食既美食堂, 今次特地來試試。呢間新店, 採用近年流行的到櫃位先付款, 然後拿號碼牌回座位等店員送餐, 很時尚, 最近連快餐店“大x活”晚市都一樣有送餐服務。我們點了以下食品:1) 藥膳肉骨茶: 天氣開始轉涼, 食呢碗有藥材的肉骨茶就最岩, 而佢採用既排骨帶有軟骨, 口感不俗。湯頭除了飲之外, 還很細心預備了油炸鬼, 可濕落湯, 吸了湯來吃。2) 甜豉油炒貴刁: 小弟很少吃星馬的炒貴刁, 原來星馬是用甜豉油來炒河粉, 味道幾新鮮, 甜甜地, 但又不是瑞士汁那種, 真的值得一試。 重點推介 - 秘製辣醬3) 海南雞: 師父完全去骨, 雞肉非常嫩滑, 雞皮既質感滑嘟嘟, 很正。4) 魷魚圈: 炸既程度剛剛好, 配上佢既沙律醬, 餸酒佳品。5) 紫薯窩夫: 喜歡吃紫薯既朋友, 正呀喂, 啖啖紫薯, 窩夫的質地亦軟硬適中。