影片
更多
2021-12-11
390 瀏覽
近排忙完，就約左朋友一齊去食好野。朋友指明要食西餐鋸扒，於是我就努力發掘高質嘅西餐廳。最後推介朋友去Chef Stage de Eddy Chu，今次係我第二次到訪呢間餐廳，上一次已經係四年前，打算睇下餐廳係咪依然保持水準。餐廳嘅設計風格以白色為主，簡單得黎又不失情調。如果坐近窗邊，仲可以睇到美麗既海景。當日我地夜晚黎，所以可以睇埋維港夜景😍由於唔想影響其他食客，所以我地冇影到環境相。四年前同另一個朋友到訪嘅時候，我地試左佢嘅lunch set，當時覺得一試難忘。今次我同朋友決定揀佢5 course set dinner，希望有個完整嘅晚餐體驗。蟹肉三文魚沙律 Crab meat and smoked salmon 第一道菜就係蟹肉三文魚沙律，淨係睇賣相已經好開胃😍🥗沙律菜同蕃茄都好新鮮，配上酸酸甜甜嘅黑醋同埋沙律醬，味道豐富。煙三文魚以一個球狀呈上，造型非常特別。用刀將三文魚球一分為二，裏面竟然包住份量十足嘅蟹肉，好有驚喜。帶點鹹香嘅煙三文魚同鮮嫩嘅蟹肉非常夾，我地都好鍾意呢道小菜。👍🏼黑松露蘑菇湯 Mushroom and black truffle soup 🍄🥣品嚐完沙律之後，
餐廳嘅設計風格以白色為主，簡單得黎又不失情調。如果坐近窗邊，仲可以睇到美麗既海景。當日我地夜晚黎，所以可以睇埋維港夜景😍由於唔想影響其他食客，所以我地冇影到環境相。
四年前同另一個朋友到訪嘅時候，我地試左佢嘅lunch set，當時覺得一試難忘。今次我同朋友決定揀佢5 course set dinner，希望有個完整嘅晚餐體驗。
蟹肉三文魚沙律 Crab meat and smoked salmon
第一道菜就係蟹肉三文魚沙律，淨係睇賣相已經好開胃😍🥗沙律菜同蕃茄都好新鮮，配上酸酸甜甜嘅黑醋同埋沙律醬，味道豐富。
煙三文魚以一個球狀呈上，造型非常特別。用刀將三文魚球一分為二，裏面竟然包住份量十足嘅蟹肉，好有驚喜。帶點鹹香嘅煙三文魚同鮮嫩嘅蟹肉非常夾，我地都好鍾意呢道小菜。👍🏼
黑松露蘑菇湯 Mushroom and black truffle soup 🍄🥣
品嚐完沙律之後，餐廳緊接遞上黑松露蘑菇湯。我同朋友都好鍾意黑松露嘅味道，呢一個湯完全符合我地嘅口味。黑松露香氣十足，加上細滑嘅cream，每一啖湯都係濃郁creamy~ 😋
蟹肉冬陰公日本年糕 Rice cake with crab meat Tom Yum Kung 🦀🍡
第三道菜就係非常獨特嘅蟹肉冬陰公日本年糕，個人覺得最有驚喜。其實我地食之前冇細閱餐牌，所以一入口嘅時候，被佢嘅冬陰公辣味🌶同埋軟綿綿嘅日本年糕震懾左 😋 完全冇諗過冬陰功、蟹肉同日本年糕可以組合成咁正嘅小菜！我好鍾意冬陰功嗰種辣味，辣得黎好過癮。
食咗三道菜之後，終於嚟到戲肉啦～我點咗燒澳洲羊鞍，而朋友就點左美國肉眼扒。
燒澳洲羊鞍 Roasted Australia rack of lamb $588 🐑
燒澳洲羊鞍嘅擺盤好精緻，兩大件嘅羊鞍互相靠攏，旁邊放有美味甜番薯🍠同埋紅蘿蔔🥕。由於我有啲怕生，所以點左七成熟。
羊鞍外面燒至香脆嘅咖啡色，但切開入邊仲係呈現淺粉紅色。燒羊鞍肉質鮮嫩，充滿羊羶味，中意食羊肉嘅朋友會好滿意。
慢燒美國牛肉眼 Slow cooked US beef ribeye $598
朋友點左慢燒美國牛肉眼，肉眼扒重300g，非常厚身 🥩 由於牛扒係慢燒嘅關係，內裏係大約四成熟，所以可以清晰地見到粉紅色嘅牛肉。
美國肉眼扒表皮好脆，但裡面啲牛肉好鮮嫩多汁，十分juicy～牛既脂肪分布均匀，我好中意牛排帶點牛筋，好有唧頭😆
藍莓芝士蛋糕 Blueberry cheese cake (dessert of the day) 🫐🧀🍰
食完主菜之後，最後呈上嘅就係是日甜品— 藍莓芝士餅。甜品非常精緻，兩件四方嘅芝士藍莓餅，配以士多啤梨同埋芒果做伴碟，賣相十分吸睛。
芝士味道濃郁，表層嘅藍莓醬鮮甜🫐，入口香軟細滑。精緻小巧嘅藍莓芝士蛋糕為當日晚餐完美作結～🍰
餐廳選料上盛，食材新鮮不在話下，大廚製作認真，重視食物既質素同食客既滿意度，幾乎每一道菜都有驚喜。我會同朋友再黎食過！😋
張貼
