巴剎雞飯 (已結業)

高街呢一個地方，夾雜住西營盤一點懷舊與地道的風味，經過呢一間有雞食嘅<巴剎雞飯>餐廳，比佢哋嘅港式懷舊圓枱吸引住，便進店一試。餐廳裏面嘅環境，有啲似室內嘅大排檔，帶點七八十年代嘅懷舊港式風味。<巴剎雞>先來半隻巴剎雞，呢度嘅招牌菜巴剎雞，雞肉相當之嫩滑，入口感覺就好似海南雞嘅感覺一樣，而且已經去曬骨，入口啖啖肉，軟滑好食。個人特別喜歡佢供應嘅醬料，將薑同埋蔥蓉混和打成溶，非常特別。<薑蔥豬油渣撈麵>呢個薑蔥豬油渣撈麵，真係唔係有好多地方有得食，雖然呢個撈麵係極度邪惡，但係我哋都不惜一切，一定要試下。呢個麵上面有一啲豬油渣，咬落去外面微脆，入面嘅油爆曬出嚟，餐廳用上大量嘅薑蔥同撈麵一齊食，令油香味道更為突出，非常好食。<皮蛋餃>呢個皮蛋餃嘅皮極薄，而入面嘅餡料有皮蛋同埋豬肉，以手工餃嚟講，用上皮蛋餡料非常特別，皮薄餡靚。<沙爹牛肉串燒>又係一個驚喜之作，餐廳用上炭爐來保持住燒肉嘅熱度，入口絕對熱辣辣，而且配上花生沙嗲醬汁，惹味好食。<手抓餅>用上大量椰絲、花生、同埋咖央來作為餡料，甜甜地又帶有