Little Vegas

營業中

休息中

Little Vegas 嘅餐廳同嘢食都好玩味非常有趣，真係好值得打卡㗎。一去到嘅時候氣氛就好特別，佢用咗好多公仔做裝飾，就好似置身於舊時嘅遊戲廳裏面，而每一張枱上面都會有一個漢堡嘅罐，打開咗之後裏面裝滿咗糖果真係童趣十足。嘢食方面嘅命名都好有趣。我今次就叫咗一份漢堡同埋蜆肉意粉。漢堡嘅肉質好厚實，配料豐富。另外佢哋嘅配菜居然係炸薯角，而唔係炸薯條，對於我呢種薯角愛好者嚟講，實在太幸福啦。蜆肉意粉就有小小辣，非常之惹味，好香又好食，而且蜆肉嘅份量好足夠。我哋另外仲叫咗一份雞翼三重奏，又可以揀三種唔同口味雞翼。我當中就最鍾意嘅麻辣味。飲品方面，我叫咗一杯水果茶，用住高腳杯嚟裝，睇落去非常之高級。