法國飯店

營業中

休息中

網上見到餐廳嘅每一道菜都擺到好似藝術品咁，非常吸引。聞名不如見面，所以叫老公特別揸車過嚟黃金海岸試試🤭黑松露野菌湯，好幼滑濃郁，用法包🥖點嚟食，好惹味！酥皮龍蝦湯，濃郁鮮甜，龍蝦🦞厚肉彈牙，又用黎點法包，超正👍🏻風乾火腿蕃茄醬焗燒春雞配紅酒汁，風乾火腿鹹香味非常惹味，燒春雞燒得剛剛好，表皮甘香脆卜卜，雞肉肉質嫩滑多汁，配埋紅酒汁，微微酸味，好開胃惹味😋炭燒西班牙黑豚鞍排，好香炭燒味道，感覺到火候好足夠。黑豚鞍排肉質柔軟，味道濃郁，表皮燒得乾身，肉質能夠鎖住肉汁，咬落非常Juicy🤩今次叫老公揸車過嚟真係非常正確，每道菜都裝飾到好似藝術品，真係好靚，嚟緊家庭聚會決定過嚟呢度再食😛