影片
更多
2022-03-22
695 瀏覽
係網上無意中發掘到呢間位於銅鑼灣既omskase新店就趁住今個我週未得閒即刻book位去試下！整個體驗都好舒服流暢,食材用料新鮮無太多花巧以突顯食材自身味道.Omakase lunch set hkd$788前菜。日本螺質感彈牙,唔需要額外調味已經好甜又鮮味。酒漬蕃茄大片蕃茄清甜多汁,食落無蕃茄腥味酸酸甜甜好開胃。瑩光魷魚迷你size既魷魚入口爽口而且同樣充滿鮮味.刺身。日本室津蠔配柚子啫喱蠔身肥美得黎又唔會過重鐵銹味,鮮甜滑溜,再配柚子啫喱令蠔原來既鮮味更突出。日本斑配紅柚子醬魚肉彈牙唔會過重油份,配上紅柚子醬令整體更清新.。象拔蚌肉身厚而爽脆,咬入口完全唔會韌,帶蚌鮮香。竹筴魚魚身厚而富油脂,肉質彈牙,配上木魚碎令味道更濃厚。拖羅肥美無筋性,夾上香脆既紫菜再配紫蘇葉食令拖羅層次感更豐富熱食。海膽魷魚嫩香鮮味十足既魷魚再配埋creamy及同樣鮮甜既海膽帶出雙重鮮味.外層炸漿薄身唔油膩.一件同時帶出3重口感,外脆內彈牙及軟滑.配菜配以子蒜,味道無平時食既蒜咁濃及嗆口,唔會蓋過海膽魷魚既味道蟹肉茶碗蒸蛋香滑而且帶出一陣鰹魚湯香味,配上蟹肉令茶碗蒸增添一份鮮味壽司10貫。拖羅腩以拖羅滿佈雪
Omakase lunch set hkd$788
前菜
。日本螺
質感彈牙,唔需要額外調味已經好甜又鮮味
。酒漬蕃茄
大片蕃茄清甜多汁,食落無蕃茄腥味酸酸甜甜好開胃
。瑩光魷魚
迷你size既魷魚入口爽口而且同樣充滿鮮味.
刺身
。日本室津蠔配柚子啫喱
蠔身肥美得黎又唔會過重鐵銹味,鮮甜滑溜,再配柚子啫喱令蠔原來既鮮味更突出
。日本斑配紅柚子醬
魚肉彈牙唔會過重油份,配上紅柚子醬令整體更清新.
。象拔蚌
肉身厚而爽脆,咬入口完全唔會韌,帶蚌鮮香
。竹筴魚
魚身厚而富油脂,肉質彈牙,配上木魚碎令味道更濃厚
。拖羅
肥美無筋性,夾上香脆既紫菜再配紫蘇葉食令拖羅層次感更豐富
熱食
。海膽魷魚
嫩香鮮味十足既魷魚再配埋creamy及同樣鮮甜既海膽帶出雙重鮮味.外層炸漿薄身唔油膩.一件同時帶出3重口感,外脆內彈牙及軟滑.配菜配以子蒜,味道無平時食既蒜咁濃及嗆口,唔會蓋過海膽魷魚既味道
蟹肉茶碗蒸
蛋香滑而且帶出一陣鰹魚湯香味,配上蟹肉令茶碗蒸增添一份鮮味
壽司10貫
。拖羅腩
以拖羅滿佈雪花既腩底位炙燒,入口充滿馥郁魚油甘香,配以山葵帶點辛香降低膩感.
。蜜柑鯛
以蜜柑飼養既鯛魚,師父仲拎左佢地既認證標記比我睇,好特別.入口帶住淡淡蜜柑清甜既橘香,再配上鯛魚自身既甜味作為等一道壽司已經好有驚喜
。深海池魚配生七味粉
充滿光澤既深海池魚肉質相當鮮嫩,入口充滿魚甘油香既細膩感
。鰤魚
鰤魚正腩位配酒糟辣椒,輕輕燒香後將內裏既油份逼左出黎,口腔充滿豐腴油香,食完再配一口熱茶帶出一陣餘韻香
。北海道帶子
好有驚喜既帶子！相比平時食到既帶子更軟身爽口,充滿厚肉質感.味道清甜鮮香,配上柚子青檸汁令鮮味昇華
。赤貝
爽脆充滿貝魚香甘甜
。白蝦
白蝦口感好嫩滑,帶點綿密既黏性令口感更濃稠.配上竹炭鹽及梅酒啫喱中和返蝦肉膠口感大大提升香滑度及層次感
。銀雪魚bb
平時已經好鍾意食銀鱈魚！估唔到銀雪魚bb 又令我味蕾受到刺激！肉質嫩香細緻,帶住濃厚銀雪魚獨有油香又唔會好膩,aftertaste既魚油甘味濃厚
。關西鯖魚
以千層切割手法去處理原本肉身較為堅硬既鯖魚令入口變得爽脆香甜
。北海道根室海膽
極滋味享受,飽滿既海膽呈亮麗鮮橙色,入口即化味道甘香濃郁
。鮑魚伴鮑肝醬
店內重點菜式！以南非鮑蒸3小時,鮑包入口充滿細嫩口感又不帶韌性,再配上濃厚肝醬令鮑魚質感更濃厚鮮明
湯
。真鯛清湯
清澈不帶半點油膩感既清湯剛好平衡左以上既膩感,飲一啖暖湯令胃感到一陣暖意.
甜品
。玉子燒
完全零麵粉砂糖所製成既玉子燒！當我第一下聽到都有d難以置信既感覺！原來係古時麵粉同砂糖都係上品食材,一般百姓都好難得到,所以會以帶子同雞蛋取代去製成甜品.呢一份帶子玉子燒雖然無麵粉同砂糖但仍然做出蛋糕有既綿密及濕潤感,食落帶出一陣陣帶子鮮甜香味及蛋香.
張貼
