27 Kebab House Turkish Restaurant (赫德道)

營業中

休息中

經過門外，就已經聞到香濃嘅烤肉味，就即刻想入去試下啦。店內坐位好少，只可以坐到十幾人，入去時剛好有兩個人起身，就即刻坐咗落去，唔使等位。餐牌選擇好多，有捲餅、沙律、炒飯、薯條、PIZZA等等，最後叫咗一個咖喱羊肉飯，同埋轉轉燒雞肉沙律。咖喱羊肉非常香濃，香料亦都好惹味，羊肉軟身入味，送飯一流！而轉轉雞肉沙律，非常清新，配搭佢嘅醬料，酸酸甜甜，十分開胃。而且雞肉好香，仲帶肉汁，唔算好乾身，好味！今次揀咗近門口嘅座位，食完都唔會成身香料味！