Domon 札幌拉麵 (已結業)

自從試過さんぱち﹙八八八﹚既正宗北海道拉面後，都好耐冇返離。今晚突然心血來潮來返兜。食物點了一個一人套餐，有碗拉面加一樣小食﹙$83﹚拉面要了個あかけらーめん﹙AKAKE拉面﹚，而且加了$5加牛油。小食則每次都是選燒雞軟骨串一客。先來的是雞軟骨串，加上少許檸檬汁，吃下沒那麼的油膩。軟骨內香味濃旭，而且咬落去「索索」聲，好有咬口。軟骨之中仍保留著一些雞的脂肪，令人食落口更加惹味。拉面方面，每次落單時都會特別叫湯底要濃味一點。今次個湯底明顯比之前的都來得淡味，而雖然加了牛油，但對湯底的幫助亦很有限。相比起八八八的牛油味噌湯底，今次的這個真的差太遠。拉面的配料包括一件叉燒，芽菜，粟米，蛋……等等。叉燒只是一般，吃起來好「鞋」，而且實在太細塊。而拉面軟硬度適中，幾好不過講到環境方面，呢到比人既感覺的確好有日本小店FEEL，連鋪位都系系內街小巷入面，幾有特色。而內裝以木為主，令人完全感覺置身系日本拉面小屋咁既感覺。