Van Gogh SENSES (已結業)

雖然已經結業，但仍然好想為呢一間充滿着藝術感嘅餐廳寫啲最後嘅感受。用餐當日係我同男朋友嘅週年紀念，當時都係店員嘅口中聽到月底結業嘅消息，有啲可惜但亦都慶幸能夠把握最後嘗試嘅機會。餐廳預先send咗Menu俾我哋，由於就嚟結業，所以套餐有七折嘅優惠。餐廳基本上統一上餐時間，同附近枱嘅客人同時享用前菜主菜等。我哋點左The Harvest，食物質素當然高，尤其喜歡前菜：章魚薄片配沙律菜，係我第一次嘗試嘅口感，好清新嘅口感，配埋旁邊綠色嘅醬汁一流！呢個套餐感覺上好似係越食越驚喜，款式多不過每樣嘅份量相對上少，味道正常未到非常特別。更令人驚艷嘅係喺呢一個咁有藝術嘅地方享用晚膳。餐盤印有梵高嘅名作，電子板上亦都播住梵高名作嘅slideshow。希望疫情過後會有更多呢一種藝術型嘅餐廳啦！