影片
更多
2023-02-16
56 瀏覽
近年落成既YM SQUARE入面食店選擇不少，除左成日幫襯既牛角，同層仲有間泰國菜，餐廳鋪面唔算大，但勝左外觀裝潢精緻光猛。當日試左二人餐，眼見二人餐份量可能唔夠食所以再散叫左小小其他野食。二人餐($328)包含兩款餐湯及頭盤，沙律及主菜各一以及甜品，主菜選擇幾多但某幾款要加錢。餐湯為肉碎豆腐湯飲落咸中帶甜及小小香料味，清清地。前菜嗌左生蝦及雞肉串生蝦新鮮，肉質爽彈而且醬汁調味得好，食落酸酸甜甜，後勁既辣味都好強。雞肉串食得出炭燒味，調味帶黃薑味，燒得幾好唔老肉質唔錯但如果可以配沙爹汁會更好。大蝦凱撒沙律蝦仁有兩大粒，肉質鮮甜爽彈，沙律菜就新鮮正常。主菜嗌左紅咖哩慢煮牛肋條，紅咖哩汁味道濃，先甜後小小辣，經慢煮既牛肋肉輕輕用叉一壓就散，食落軟淋有肉味，配埋蒜蓉包食就一流。甜品當日改左做雪糕，椰子味雪糕再配上花生及粟米粒，食落有D似泰式椰汁西米糕(不過無左西米)，如果加埋西米我諗出黎個效果會更好。大蝦金邊粉($108)大蝦燒得好香，擺盤精緻，醬汁味道濃，金邊粉略嫌炒耐左小小。豬肉生菜包($78)調味幾好，咸中帶酸辣，食落幾開胃，生菜乾淨新鮮，係份量有D小。餐廳裝潢精緻，食物擺盤有心思，但
當日試左二人餐，眼見二人餐份量可能唔夠食所以再散叫左小小其他野食。
二人餐($328)包含兩款餐湯及頭盤，沙律及主菜各一以及甜品，主菜選擇幾多但某幾款要加錢。
餐湯為肉碎豆腐湯飲落咸中帶甜及小小香料味，清清地。
前菜嗌左生蝦及雞肉串生蝦新鮮，肉質爽彈而且醬汁調味得好，食落酸酸甜甜，後勁既辣味都好強。雞肉串食得出炭燒味，調味帶黃薑味，燒得幾好唔老肉質唔錯但如果可以配沙爹汁會更好。
大蝦凱撒沙律蝦仁有兩大粒，肉質鮮甜爽彈，沙律菜就新鮮正常。
主菜嗌左紅咖哩慢煮牛肋條，紅咖哩汁味道濃，先甜後小小辣，經慢煮既牛肋肉輕輕用叉一壓就散，食落軟淋有肉味，配埋蒜蓉包食就一流。
甜品當日改左做雪糕，椰子味雪糕再配上花生及粟米粒，食落有D似泰式椰汁西米糕(不過無左西米)，如果加埋西米我諗出黎個效果會更好。
大蝦金邊粉($108)大蝦燒得好香，擺盤精緻，醬汁味道濃，金邊粉略嫌炒耐左小小。
豬肉生菜包($78)調味幾好，咸中帶酸辣，食落幾開胃，生菜乾淨新鮮，係份量有D小。
餐廳裝潢精緻，食物擺盤有心思，但整體食物份量唔算大份，大食既朋友可能要嗌多D小食。
張貼
