印尼餐廳 (已結業)

呢間位於尖沙咀既印尼餐廳，將會係2月光榮結業。香港又少左間老店了。餐廳採用2層的設計，地下售賣小食，用餐地方位於二樓。當日去到晚市時已沒有小食及糕點了。餐廳環境帶有懷舊感覺，座位幾舒適。一坐低侍應已放低2杯暖水。而我就點了幾款菜式，印尼炒飯，羊肉牛肉沙爹，馬拉盞通菜同珍多冰。首先黎到係印尼炒飯，賣相同味道都普普通通，如果無左幾塊薯片就係普通炒飯咁。然後就黎沙爹串，羊肉牛肉都燒得唔錯，好香好嫩口，而且帶有肉汁，加埋沙爹汁一流。而馬拉盞通菜就正正常常，唔夠馬拉盞味道。最後黎杯珍多冰，好重椰汁味好飲！