影片
更多
2011-08-23
378 瀏覽
上次幫襯完後，經常心思思想再黎試多幾樣唔同既菜，今晚終於有機會喇。內籠裝修簡約中亦不失豪華，有點北京味道。坐位不多，有五六張卡位、三四張大圓枱，四五張細方枱，密度還可接受，都算坐得舒服。換左新 menu 喎，多左好多好多新菜式吓，真係試極都試唔完。醃青瓜、乾豆腐、花生、貢菜、毛豆，酸酸甜甜既前菜，好開胃，好味道。等屋企人等左三十分鐘，火都黎，成碟食晒轉眼比我一個人食晒。蠔皇花菇遼參扣鵝掌，好正既遼參，嫰滑彈牙，如果食得唔小心，真係彈到成枱、成身都係汁呀，因為一路咬，佢一路彈唔停。薄薄高檔遼參炆得入味，唔會似平價豬婆參淡口大舊似番醶。遼參又非常有食療功效，能降壞膽固醇、降三酸甘油脂及提升好膽固醇的功效，等等。靚花菇超香濃菇味，又爽口，好食好食。鵝掌炆得入味又夠腍，放入口用力一啜、條脷只需打兩三個圈已可以將所有骨退出喇。墊底仲有大量鮮嫰爽口充滿水份既生菜，撈埋所有將汁既精華同吃，好好味 ﹗竹笙海皇翅，除竹笙外還有蝦肉、帶子、蟹肉，有約五小碗。顏色通透吸引，味道超鮮甜，高湯底美味無窮，再夾雜住香濃海鮮跟魚翅海味既味道，就自己一個飲晒成窩都厭唔夠喉呀 ﹗必食 ﹗無鍚灌湯小籠包，始終北京既小籠包
醃青瓜、乾豆腐、花生、貢菜、毛豆，酸酸甜甜既前菜，好開胃，好味道。等屋企人等左三十分鐘，火都黎，成碟食晒轉眼比我一個人食晒。
蠔皇花菇遼參扣鵝掌，好正既遼參，嫰滑彈牙，如果食得唔小心，真係彈到成枱、成身都係汁呀，因為一路咬，佢一路彈唔停。薄薄高檔遼參炆得入味，唔會似平價豬婆參淡口大舊似番醶。遼參又非常有食療功效，能降壞膽固醇、降三酸甘油脂及提升好膽固醇的功效，等等。靚花菇超香濃菇味，又爽口，好食好食。鵝掌炆得入味又夠腍，放入口用力一啜、條脷只需打兩三個圈已可以將所有骨退出喇。墊底仲有大量鮮嫰爽口充滿水份既生菜，撈埋所有將汁既精華同吃，好好味 ﹗
竹笙海皇翅，除竹笙外還有蝦肉、帶子、蟹肉，有約五小碗。顏色通透吸引，味道超鮮甜，高湯底美味無窮，再夾雜住香濃海鮮跟魚翅海味既味道，就自己一個飲晒成窩都厭唔夠喉呀 ﹗必食 ﹗
無鍚灌湯小籠包，始終北京既小籠包既皮係厚一點，並不會跟上海一樣薄到半透明，連裡面既湯同豬肉都見得到。無論邊個地方既小籠包都要即蒸，一放上枱就要趁熱即食，否則就會變形變硬變乾架喇。除左外皮厚啲、湯汁少啲外，味道、口感、香氣、豬肉都好滿意，好食。
杭州雞，無試過，所以好奇 order 試試，食後感係無下次。醬油杭州炆雞，炆雞時間長，肉質變乾變鞋，腍劈劈，口感鬆散，無嫰滑既質地。濃郁既醬油味，如果變成雞絲撈飯我諗唔錯。整個送食落係十足十糯米雞既味道，一模一樣。
北京填鴨，主角出場。我較為喜歡傳統片皮鴨做法，只片層皮，啲肉會留作煮另一菜式。依家連肉一齊起片，真係有點滯有點膩，而且鴨肉質地始終略鞋稍乾，跟醬汁薄餅皮卷好後，好影響整體味道同口感。依度既鴨醬偏咸，買回來後無再加工，做法大多加水加糖加蒜蓉去調味。考慮各細節後，對依味菜既評價為免強合格，其實可以做得更好。
張貼
