一橋拉麵 (MOSTown新港城中心(4期))

營業中

休息中

馬鞍山難得有新開嘅拉麵舖，好期待去試吓！店舖座位唔多，平日下午幫襯都坐滿，間唔中見到要排隊。唔知係咪新開張，廚房有啲做唔切。今日order咗一碗拉麵，落單後等咗25分鐘先有得食🥲好彩今日唔趕時間，但係相信這個等候時間應該對很多顧客造成不便，亦解釋到點解店外會出現人龍。叫咗期間限定的「海老濃湯叉燒拉麵」，湯頭ok 唔會太鹹。拉麵就煮太過腍，沒有口感，份量較少（可能預咗客人免費續麵）。叉燒好大陣醃製的酒味，蓋過晒叉燒本來的味道☹️至於配菜木耳絲和蔥絲份量唔多。個人認為味道一般，可取的是份量和不過不失的品質，$59呢個價錢總不能要求太高吧。另外，店舖需以手機落單兼即時付款。付款時，顧客需輸入信用卡資料。對於已將信用卡捆綁手機而唔帶卡出街嘅客人來說，實在有點不便。如可加入google pay/Apple Pay，讓客人免去輸入資料的麻煩會更好。