Crema

營業中

休息中

是日飲飲食食shopping @ 尖沙咀，行到累又未到食晚飯時間，所以就搵個地方黎坐下。原來呢間Crema搬左我都唔知，我仲兜左成個圈先搵到。五點幾入到去，得二個客人，不過間店好似幾大咁，有勁多吉位。店員立即招呼我地坐低，由於已經食左一大輪野，隔一陣又食晚飯，所以我地兩個都只係叫杯野飲就算啦。我就要左Latte，佢話有大中細問我要咩size，咁就要左中啦，點知黎到好鬼大杯的。朋友就要左regular iced mocha，兩個人又係度hea左成個鐘先走。Latte黎到係覺得兔仔拉花好可愛，不過飲落又覺得一般咋喎，表面既奶泡幾密而且滑的，杯latte都有奶香的，不過咖啡味實在幾淡呢，所以的確一D都唔苦的，但我真係覺得淡左DD...至於朋友既iced mocha亦麻麻，黎到成杯凍華田咁(XD)，飲落味道又係非常淡，咖啡味 or 朱古力味都唔係好覺喎.... 兩杯味道都一般，不過我地都係志在有個地方坐下姐~ 但未必有下次啦。