砂煲兄弟 (悅來坊) (已結業)

冬天凍凍地🥶最岩就係食煲!仔!飯!🍲 早兩日係fb見到E間砂煲兄弟好似唔錯咁, 於是今晚收左工就去試下😆 餐廳環境幾大, 位同位之間都尚算寛闊所以坐得幾舒服😊 佢地嘅煲仔飯有別於其他傳統嘅煲仔飯, 係配搭方面有好多款創新嘅口味, 岩哂好似小妹e d中意試新野特別野嘅人🤣! 最後我地揀左兩個小食, 兩個煲仔飯🍲同兩杯野飲☕😊凍柚子蜜陳年柑桔檸檬🍋陳年柑桔味道濃郁, 口感酸酸甜甜, 非常醒胃濃湯雲吞雞🐔🍲奶白色嘅湯底味道清甜好飲, 時菜煮得爽口唔老, 雞肉嫩滑, 雲吞嘅餡料足量, 味道唔錯!脆米鯪魚球新鮮炸起嘅鯪魚球香脆可口, 魚肉口感彈牙, 調味剛好, 完全無碎骨!西班牙臘腸排骨煲仔飯🍲採用左西班牙臘腸嚟代替中式臘腸🤔, 中西合壁⚔, 味道創新, 口感特別, 飯焦香脆而且好容易就刮起! 鰻魚牛蒡煲仔飯🍲鰻魚飯食得多, 鰻魚煲仔飯就真係未試過😯, 一打開鰻魚嘅香甜味已經非常撲鼻😋, 鰻魚肉質結實, 鮮美肥嫩, 底下鋪上牛蒡絲, 吸哂鰻魚嘅精華, 撈埋白飯一齊食, 非常惹味👍🏻😋總結: 食物味道唔錯, 份量都幾多, 店員服務良好, 價錢唔貴, 推介!😊