老三油渣麵王

營業中

休息中

喺土瓜灣做完運動熱辣辣、冇胃口， 都唔知食咩好， 又行去北帝街睇下有咩小店先。見到呢間老三油渣麵王， 即刻諗起大角咀嗰間出名嘅油渣麵， 於是就決心一試。都差唔多九點，成間舖爆滿， 好彩啱啱有人埋單， 即刻有得入去坐。望下menu選擇都多對食有要求嘅我，一定會識得叫佢將油渣分開上， 以防啲油渣淋唒。食咗一啖完全感覺到啲油渣入口即溶， 亦都冇乜千年油益味， 非常好。 麵底嘅都有選擇可以揀上海麵或者米線， 我揀咗招牌豬油渣麵即係上海麵底， 入面仲有清甜蘿蔔同入味冬菇， 令人一試難忘。我稍為就覺得上海麵太硬， 如果煑淋少少更高分。