影片
更多
2023-04-14
1782 瀏覽
食過好多任食放題燒肉，暫時食過最念念不忙既都係薩摩和牛，要食到薩摩和牛既地方唔多，咁啱屋企附近有一間牛舞，復活節後個人blue blue地，就去食下薩摩和牛燒肉放題再追加涮涮鍋。係我地出去放題區拎飲品時，職員已經送上牛舞拼盤，各類型既牛（日本薩摩、澳洲樂天、美國Prime同安格斯）、豬、雞都會各上兩件俾大家試下。老實說都唔係好分到啲牛，唯獨淨係認得件薩摩牛啲油脂特別靚🙈哩到用App落單，首輪都係各款薩摩牛黎一件先。佢啲牛有分無調味、有燒汁同韓式辣汁。由於牛味本身好重，無調味其實燒完都重油脂香，仲可以沾佢地既燒肉汁/柚子醋，已經夠晒味。個人鐘意用柚子醋多啲。牛舞最開心既位係咩都有得食，我地除左燒肉仲有燒海鮮，大推佢個磯燒鮑魚、虎蝦同魷魚圈。另外我地仲有叫刺食同炸物。刺食款式都多，有甜蝦、三文魚、帶子、墨魚、北寄貝、鯛魚。個人覺得都好好食。再叫左軟殼蟹同蝦天婦羅，正🤤唔好忘記仲有個煲！煲主力都男朋友食，叫左和牛、豚肉，用火鍋就會無咁重油脂，肉味再出啲。其實仲有好多野想食，但已經食到超飽，最尾都係叫多兩塊薩摩牛埋尾🙈 真係好好食🙈🙈 最後既最後梗係唔少得甜品，哩到雪條好多款，揀左朱古力脆皮雪
係我地出去放題區拎飲品時，職員已經送上牛舞拼盤，各類型既牛（日本薩摩、澳洲樂天、美國Prime同安格斯）、豬、雞都會各上兩件俾大家試下。老實說都唔係好分到啲牛，唯獨淨係認得件薩摩牛啲油脂特別靚🙈
哩到用App落單，首輪都係各款薩摩牛黎一件先。佢啲牛有分無調味、有燒汁同韓式辣汁。由於牛味本身好重，無調味其實燒完都重油脂香，仲可以沾佢地既燒肉汁/柚子醋，已經夠晒味。個人鐘意用柚子醋多啲。
牛舞最開心既位係咩都有得食，我地除左燒肉仲有燒海鮮，大推佢個磯燒鮑魚、虎蝦同魷魚圈。
另外我地仲有叫刺食同炸物。刺食款式都多，有甜蝦、三文魚、帶子、墨魚、北寄貝、鯛魚。個人覺得都好好食。再叫左軟殼蟹同蝦天婦羅，正🤤
唔好忘記仲有個煲！煲主力都男朋友食，叫左和牛、豚肉，用火鍋就會無咁重油脂，肉味再出啲。
其實仲有好多野想食，但已經食到超飽，最尾都係叫多兩塊薩摩牛埋尾🙈 真係好好食🙈🙈
最後既最後梗係唔少得甜品，哩到雪條好多款，揀左朱古力脆皮雪條，超完滿既晚餐。
順帶一提哩到職員好好，收碟好快，見我地燒到差不多又會主動幫我地換網，服務又好，啲牛又好，雖然薩摩牛set明顯貴過其他set一截，但佢質素係絕對對得住個價錢🥹
張貼
