唐宮小聚 (荃新天地) (已結業)

好耐無來到荃灣，今次來到都荃新天地去品嚐一下一間好耐冇食過嘅餐廳！小編今次就想食呢間唐宮小聚！聽講呢間餐廳好出名係乳鴿喎！咁點樣都會叫嚟試吓㗎啦！味道都OK嘅，雖然就細隻啲，不過佢都算香嘅！可以話比上不足 ，比下有餘！小編覺得佢夠味嘅，可以唔使點鹽既！啲肉嘅質地都唔錯嘅，唔會話太鞋嘅！雖然唔係好脆，但係都好有味！另外，仲有叫咗個豬腳，味道都唔錯㗎！佢係一個冷盤嚟嘅！比較多蒜！不過啲肉都幾林既，所以可以好容易咬開！而且個味道都濃濃地，幾開胃下最後，仲有個黑金流沙包，呢個包就唔係好甜嘅咬落去就真係流心，而且都好鬆化！最後餐廳所提供嘅茶都算清香既！服務態度方面都OK嘅！