紅椒力量 (已結業)

星期六下午約了姊妹到屯門v city食午飯， 原來星期六的v city都幾多人，揸車入嚟等泊車都排咗好耐隊喎！ 網上見到紅椒力量的好評都幾多所以就試下， 我們三個人點了上湯豬頸肉金邊粉$38， 上湯豬扒金邊粉$40， 海南雞喇沙金邊粉$45， 椰汁咖央多士$28， 什錦拼盤$98， 奶茶紅豆冰$10，珍多冰$10，三色冰$10，還有一杯熱檸水跟餐免費的。海南雞喇沙金邊粉～ 我沒有食這個， 但賣相都唔錯，應該幾好食。上湯豬頸肉金邊粉～ 試了一塊豬頸肉， 厚切爽口的。上湯豬扒金邊粉～ 豬扒比較肥膩， 上湯的味道不突出，金邊粉口感偏硬。雜錦拼盤～ 春捲炸得幾香脆， 串燒比較乾身， 炸蝦餅太油膩。椰汁咖央多士～ 味道太甜。奶茶紅豆冰～ 奶茶味不夠濃。三色冰～ 椰汁味偏淡。珍多冰～ 三色冰和珍多冰都是差不多， 我估味道都大致相同。紅椒力量食物質素中等，服務質素方面就同普通茶餐廳差唔多，價錢算是平民價。