影片
更多
2008-09-23
33 瀏覽
21-9-2008陪朋友去中環買 d 0野, 搞掂後搵地方食個早 lunch. 今日對 lunch 要求係 1) 唔熱氣 及 2) 唔太貴, 我就提議0黎試試威靈頓街的北方餃子, 而同一條街有兩間王府, 入0黎呢邊純粹因為另外0個邊落了閘... 坐低睇 menu 期間, 阿姐係每 5 分鐘就埋0黎問一次「兩位食咩呀」,「諗到食咩未呀」, 煩到嘔 -- 平日 1:00-2:00pm 的話可以理解, 但呢日係星期日的 11:45am 呀, 入座率 50% 都無, 你催乜鬼? 唯有快快叫兩客餃子加一個五色拼盤, 快快食完快快走人:- 鮮肉津菜餃 (一客 10 隻; $35): 餃子據聞係人手包的, 賣相岩岩 cham cham, 哈. 層皮以北方餃子0黎講算薄, 餡料係豬肉津白, 肉多過菜, 一般爽口, 勝在幾鮮味, 味道 ok.- 羊肉京蔥餃 (一客 10 隻; $35): 呢個好食好多 -- 一哎落有唔少肉汁 "beet" 出來, (免治)羊好濃味, 京蔥味就好薄, 0岩晒我口味. - 五色拼盤 ($50): 中間的其實係手撕雞, 不過因為味道同質地都完全唔似雞肉, 似煙燻
陪朋友去中環買 d 0野, 搞掂後搵地方食個早 lunch. 今日對 lunch 要求係 1) 唔熱氣 及 2) 唔太貴, 我就提議0黎試試威靈頓街的北方餃子, 而同一條街有兩間王府, 入0黎呢邊純粹因為另外0個邊落了閘... 坐低睇 menu 期間, 阿姐係每 5 分鐘就埋0黎問一次「兩位食咩呀」,「諗到食咩未呀」, 煩到嘔 -- 平日 1:00-2:00pm 的話可以理解, 但呢日係星期日的 11:45am 呀, 入座率 50% 都無, 你催乜鬼? 唯有快快叫兩客餃子加一個五色拼盤, 快快食完快快走人:
- 鮮肉津菜餃 (一客 10 隻; $35): 餃子據聞係人手包的, 賣相岩岩 cham cham, 哈. 層皮以北方餃子0黎講算薄, 餡料係豬肉津白, 肉多過菜, 一般爽口, 勝在幾鮮味, 味道 ok.
- 羊肉京蔥餃 (一客 10 隻; $35): 呢個好食好多 -- 一哎落有唔少肉汁 "beet" 出來, (免治)羊好濃味, 京蔥味就好薄, 0岩晒我口味.
- 五色拼盤 ($50): 中間的其實係手撕雞, 不過因為味道同質地都完全唔似雞肉, 似煙燻凍食肥豬肉多 d (!); 左上端的係辣椒醬海蜇, 食落十分爽口, 辣椒醬就唔香又唔辣 (連我都話唔辣, 可見有幾唔辣!); 右上端的鹵牛(月展)又乾又無喱味道, 唔好食; 右下端涼拌土豆絲食落 sok sok 聲, 帶少少清甜, 夏天食幾0岩; 左下端的麻醬粉皮就最唔掂, 賣相 hea 之餘, 麻醬稀稀的又完全無味, 基本上叫你食齋粉. 唔係好掂的一個拼盤!
每人 $60 埋單, 環境衛生麻麻, 招呼麻麻, 食物亦一般, 無興趣再幫襯呢間了. 唔知沾仔記隔0黎0個間會唔會好 d?
張貼
