Bella Shine (已結業)

夜晚又嚟到觀塘工廈發掘新美食。呢度侍應服務幾好㗎， 得返半杯水，侍應就斟水俾你。食物嚟講有西式又有日式，我今日就揀咗全日式。 本來諗住輕食，點知叫下叫下又叫多咗! 啲蠔好抵食，十蚊一隻，幾新鮮吖! 胡麻醬味道同分量都好夠，同啲沙律菜撈埋啱啱好。 呢一個我冇order到，原來侍應話係送㗎喎! 好啱吖，可以俾我送沙律食。 銀鱈魚好滑，有少少甜味，而佢可以配香橙食，可以配薯仔食，又可以配紅菜頭食，撈埋啲炸咗嘅蔥食又得。 鰻魚都幾大塊，好多汁，而意粉煮得有少少硬度唔錯。