影片
更多
2023-11-25
12 瀏覽
暫時係我全香港最鍾意嘅Omakase✨願意花大量時間心機去處理食材，感受到廚師一絲不苟嘅匠人精神🥹 午餐已經食到多款當造食材，每道菜式背後都有一個故事，順便上了寶貴一課。✨冰見寒鰤😍打頭陣已經咁勁！來自北海道既冰見寒鰤，切成冰粒模樣，味道接近中拖羅，但口感更幼滑，完全無渣，無筋。✨銀鱈魚白子我一向好抗拒白子，有部份餐廳會用蒸煮方法加酸汁，出到嚟嘅效果不但賣相似一Pat野，魚腥味都幾重🥹 而呢道菜我感受到廚師嘅功力，採用炭燒方式，外層有嚼勁，脹卜卜，內裡保持creamy口感當造，味道鮮甜，齒頰留香。✨八爪魚😍😍用心之作，先按摩一小時，再用大量蔬菜熬煮煮三小時，非常入味，香軟，清甜。重點係個蔬菜汁都可以飲埋！好甜好幸福！✨北海道鮟鱇魚肝 😍😍😍全港食過最好食既鮟鱇魚肝！用慢煮方式，熬煮一晚，配搭小麥製成麵豉醬、紫蘇花一齊食，食落香滑，鮮味突出，好似雪糕咁🥹🥹🥹 男友終於明點解我咁鍾意鮟鱇魚肝了！同外面連鎖店既鮟鱇魚肝完全兩回事！✨新鮮磯煮鮑魚 😍😍😍用蔬菜熬煮入味，再配搭肝醬，最後用金蓮葉清一清口腔。鮑魚肉質細軟，口感恰好，完全唔覺得膩或太重口味🤤✨金鯛立鱗燒配搭鳳尾魚汁，外層似薯片，底層
暫時係我全香港最鍾意嘅Omakase✨願意花大量時間心機去處理食材，感受到廚師一絲不苟嘅匠人精神🥹 午餐已經食到多款當造食材，每道菜式背後都有一個故事，順便上了寶貴一課。
✨冰見寒鰤😍
打頭陣已經咁勁！來自北海道既冰見寒鰤，切成冰粒模樣，味道接近中拖羅，但口感更幼滑，完全無渣，無筋。
✨銀鱈魚白子
我一向好抗拒白子，有部份餐廳會用蒸煮方法加酸汁，出到嚟嘅效果不但賣相似一Pat野，魚腥味都幾重🥹 而呢道菜我感受到廚師嘅功力，採用炭燒方式，外層有嚼勁，脹卜卜，內裡保持creamy口感當造，味道鮮甜，齒頰留香。
✨八爪魚😍😍
用心之作，先按摩一小時，再用大量蔬菜熬煮煮三小時，非常入味，香軟，清甜。重點係個蔬菜汁都可以飲埋！好甜好幸福！
✨北海道鮟鱇魚肝 😍😍😍
全港食過最好食既鮟鱇魚肝！用慢煮方式，熬煮一晚，配搭小麥製成麵豉醬、紫蘇花一齊食，食落香滑，鮮味突出，好似雪糕咁🥹🥹🥹 男友終於明點解我咁鍾意鮟鱇魚肝了！同外面連鎖店既鮟鱇魚肝完全兩回事！
✨新鮮磯煮鮑魚 😍😍😍
用蔬菜熬煮入味，再配搭肝醬，最後用金蓮葉清一清口腔。鮑魚肉質細軟，口感恰好，完全唔覺得膩或太重口味🤤
✨金鯛立鱗燒
配搭鳳尾魚汁，外層似薯片，底層係蒸魚口感，熱辣辣，兩重滋味，舒服！
✨壽司環節
真鯛：用柚子胡椒作點綴。
赤貝：酸酸地又帶點清香，口感一流。
深海大池魚：正常發揮。
墨魚海膽：大推！兩者完全融合，再加上淡淡紫蘇花花香，呢餐飯嘅其中一個高潮😍
活北寄貝：鮮味十足！
牡丹蝦：口感彈牙肥美，好飽但依然滿意。
大拖羅：用米做既鹽，好有趣，不過我太飽送咗俾男朋友食🤣
✨海膽手卷 😍
偏向鮮甜，口感綿滑，海水鹹香味唔算重。重點係冇飯，可以認真品嚐到海膽喺口腔爆發🤤
✨茶碗蒸·玉子燒·湯·甜品
自家製栗子蛋糕、橙果凍同抹茶奶凍，前面海鮮環節太驚艷，加上已經好飽，食到最後捧住個肚🤰🏻
張貼
