616牛肉火鍋專門店 (已結業)

疫情關係好耐無打邊爐，今晚突然好想打，就搵了呢間簡單一點的，臨時訂枱都可立即訂到，入到去7成滿，呢段疫症期間算不錯了。初時在一張兩人枱坐低了，但剛有一張四人枱埋單，店員就主動叫我地坐四人枱，我諗她想客人坐得疏啲，安心啲。之後又給信封我們放口罩，給搓手液我們搓手。服務和衛生很不錯！我們點了牛峰肉，牛橫膈膜，牛尾滑，鴛鴦牛肉餃子。整體牛肉味不算太濃，本來見到牛峰肉張相好似和牛咁有好多油花，點知上枱嘅就係好似豬肉咁淺色嘅肉，入口先知比較有咬口。牛橫膈膜就牛味濃一D,食多兩舊就牛味就淡返晒。牛尾滑要撈蛋食，好滑。最後牛肉餃。有辣有唔辣，唔辣嘅入面嘅就係牛肉滑咁，熟左就好係台式香腸咁，而辣嘅就係麻辣，唔係好辣，但幾惹味。每款$48，兩個人都係食左320，算抵。食物一般，但服務很好👍🏼。