功夫點心

營業中

休息中

兩個人有陣時想食一盅兩件，去酒樓通常嘅份量都有啲多。而且下午茶時間，兩個人想食少少點心，所以就試咗呢間功夫點心，佢嘅好處係可以一粒蝦餃，一個包咁嗌，不過前提係要兩個或以上係叫。落咗單冇幾耐，點心就已經到齊。雖然好快，但每款點心都仲係熱辣辣。 蝦餃皮薄，蝦肉餡好彈牙爽口。鳳爪非常入味，而且好淋好惹味。流沙包咬落去有香濃嘅蛋黃汁，多到不斷溢出，而且好熱，一開始唔好太大啖咬，如果唔係真係會燙到。下午茶時間想飲個茶食個包，真係一個幾好嘅選擇。