百悅軒

營業中

休息中

今日仲掛緊八號風，不過又想飲茶，咁就近近地去附近飲啦，平時呢間酒樓就唔使加一既，不過打風日子就會收，ok啦，咁辛苦返工，抵俾。今日叫左《炸兩》粉皮夠滿，油炸鬼咁脆，仲要多蔥，不錯。《蝦餃》蝦肉夠爽，不過外皮有點厚。《燒賣》肉質都爽嫩，表面都多蟹籽。《叉燒包》包皮鬆軟，叉燒餡多汁。《流心煎堆》奶黃香，煎堆煙韌，好食既。不過就唔流心了，若然唔係話自己流心就滿分。《及第粥》夠大碗，夠綿滑，不過略嫌啲料少左啲，同大件左啲。切細少少會食得更舒服。以街坊酒樓來講，埋單$240左右，ok啦。