燒肉火蔵

營業中

休息中

第二次黎食燒肉午餐，係食過返尋味既，就算打八號風球都一早黎到圓方行下街，等食Early Lunch，貪無咁多人唔駛咁嘈，雖然好多鋪都無開，但咁樣清幽得黎顯得個環境好舒服，但見到所有食店都有營業仲有人潮，果然係野可以唔買，飯一定要食！上一次就食「牛腹胸肉定食」而今次就選擇「未來牛牛肋肉 Miral Beaf Karubi 未來めむろうしカルビ」，真係無揀錯，以$158呢個價錢係絕對合乎標準既，淨係睇件肉既色澤、厚度同賣相已經知道係好野，每邊燒一分鐘左右即可，入口油脂感重，有咀嚼感但有柔軟感，每一下咀嚼時油脂係牙與牙之間滲出，心感滿足！雖然只有六塊肉，但因有飯，沙律蔬菜、海帶湯及泡菜小碟連甜品雪糕糯米糍一粒，另加飲品只需$15，老實講係足夠既，貴精不貴多，份糧岩岩好，就係最好。