Black Stump, Australian Grill & Bar (已結業)

10/8 香港八號風球, 三點下班, 但小弟因仍在深圳開會關係, 直到差不多八時才到尖沙咀。因為有位同事剛做滿一個月, 故特意為她慶祝一下。當晚因為天氣關係, 很多餐廳都關門, 故走上諾士佛台碰碰運氣, 結果一如我所料, 餐廳九成開門, 但每間都只有小貓三四隻。走進諾士佛台, 第一間就見到食澳洲菜, 好似好特別, 於是便走入試試。這裏環境不錯, 放著輕鬆音樂, 令工作過後的疲累都可一聽而走。我們當晚吃了mushroom soap, buffalo mozzarella salad, 8 Onz Rib Eye, scallop pasta, vegetable with cheese. 每道菜都好好味道, 個份rib eye的份量, 兩個人食就岩岩好啦, 佢地煮medium, 效果都控制得好好, 保持肉的鮮味及口感。最後再叫了一杯beer & cosmopolitan. 總數$750!! 係有小小貴, 因為呢個價錢我可能會選擇去酒店食咯, 不過這裏都不失為一個好地方跟女士約會呢!!