八麵玲瓏 (已結業)

小牛揀左$44八麵玲瓏招牌拉麵套餐,我揀左湯麵套餐9號竹笙什菌。招牌拉麵套餐有四款送,包括雞翼,炸蝦,豬頸肉,蟹籽丸,試過豬頸肉幾唔錯,肉夠淋,但係又好似煎過下,幾香!可以揀豬骨湯底或蕃茄湯底, 麵就無得揀,一定係拉麵,佢將麵同送分開上係唔錯既做法,而碗麵仲有半隻蛋,紫菜,粟米,都幾豐富,小牛都話夠飽!見到佢既雞翼面頭係有粒粒芝麻,應該特別整過…我既湯麵套餐揀左蕃茄湯底,手打烏冬,個湯底真係幾好味,雖然無粒粒蕃茄,但係蕃茄味重,食完烏冬都仲飲得,真係好似蕃茄湯咁,同埋佢加左一粒粒既白蘿蔔同紅蘿蔔,又幾甜幾好味喎,配料又係有粟米,紫菜,至於竹笙,浸得好淋,無晒味,麻麻地啫,但係什菌好好喎,量又多款又多,有冬菇絲,金菇,其他我唔知名既菇,反而烏冬令我失望,因為餐牌話係手打,但係食落唔似,似現成,又唔係特別滑或者點,仲無啦啦係我碗烏冬度加左料,有幾條菠菜麵… =.=加多個$35什錦拼盤,不過全部係炸物,有咖喱角,炸蝦,春卷,比較特別係芝麻球,好似迷你煎堆咁,埔滿芝麻,原來裡面係紅豆蓉,幾得意呀!