影片
更多
2015-09-30
631 瀏覽
今日要黎做番半日公主先未入到去已經比個甜品櫃吸引住，有各式各樣既甜品，有隻熊熊好得意個Logo都好elegant 呀然後就梗係揀番個靚位坐啦，全部都超公主feel坐底嗌左飲品先，叫左一壺茉莉綠茶，擺係個心心蠟燭座上面好公主，未飲已經聞到香味，同朋友黎呢度影番一輯相都咪話唔正就咁望入面已經見到佢十分足料，飲落去有清香既花香味，配番件cake好match好甜心咁隔開d花金鑽系列($398兩個人)，呢個係黎呢間公主Cafe既重頭戲，梗係要黎呢度high tea先夠公主架啦，未食見到個架都已經心心眼啦！呢度2人份，兩層有少少野唔同，而唔同既就係個馬卡龍啦每人既份量就係咁多啦，先講下甜食先玻璃鞋：由士多啤梨同Cream Cheese整成，睇落好似好硬淨，好易爛架要小心，食落去有微微既酸味，有少少雪糕既感覺玫瑰：藍莓黎既，特登留有渣有咬口，少少偏酸，食落有雪芭既感覺，冰冰地，但小心唔好掛住影相唔記得食呀，因為呢個好快溶鮮果撻：Mixed berries 加酥皮底，個酥皮好脆，配合新鮮berries好夾Cupcake：由Lime and Lemon加Cream Cheese整成，上面Cream Ch
未入到去已經比個甜品櫃吸引住，有各式各樣既甜品，有隻熊熊好得意
個Logo都好elegant 呀
然後就梗係揀番個靚位坐啦，全部都超公主feel
坐底嗌左飲品先，叫左一壺茉莉綠茶，擺係個心心蠟燭座上面好公主，未飲已經聞到香味，同朋友黎呢度影番一輯相都咪話唔正
就咁望入面已經見到佢十分足料，飲落去有清香既花香味，配番件cake好match
好甜心咁隔開d花
金鑽系列
$398
46 瀏覽
2 讚好
0 留言
呢度2人份，兩層有少少野唔同，而唔同既就係個馬卡龍啦
每人既份量就係咁多啦，先講下甜食先
玻璃鞋：由士多啤梨同Cream Cheese整成，睇落好似好硬淨，好易爛架要小心，食落去有微微既酸味，有少少雪糕既感覺
玫瑰：藍莓黎既，特登留有渣有咬口，少少偏酸，食落有雪芭既感覺，冰冰地，但小心唔好掛住影相唔記得食呀，因為呢個好快溶
鮮果撻：Mixed berries 加酥皮底，個酥皮好脆，配合新鮮berries好夾
Cupcake：由Lime and Lemon加Cream Cheese整成，上面Cream Cheese食到微酸，係硬身Cream
宇治金時：紅豆抹茶，呢個經典配搭，抹茶味係帶甘既抹茶，會食到有少少苦澀味，有回甘，紅豆反而無咁出
仲有件Macaron，呢個Rasberry甜度岩岩好，連唔太食甜食既友人都食到講完甜食就講下鹹食
牛油果蟹肉脆片：上面果d係三文魚子，配埋蟹肉既鮮味相當唔錯，而且個蟹肉味幾出
鵝肝醬燴梨撻：梨好入味，鵝肝醬Mix左D花雕，偏鹹，餅大塊d或者鵝肝醬少D好d
黑松露撻：黑松露Mix埋黑毛豬肝醬，黑松露香味夠哂出，但又唔會蓋過豬肝味，而且食落幾滑
煙三文魚忌廉芝士脆片：呢個中規中矩，正正常常帶少少鹹既煙三文魚
碎蛋魚子：個碎蛋唔會話太碎，依然會咬到蛋既粒裝，而魚子雖然份量唔多，但味道相當特出，呢件係魚子帶出成個鹹點既味道
Macaron係白松露味，鹹鹹地幾得意
呢間除左食high tea，走果時仲見到一樽樽既曲奇可以免費試食，見到咁多種特別口味既曲奇梗係要試下啦
呢度既曲奇有幾個系列，有花茶系、堅果系、鹹味同辣味最特別既一定係辣味既系列，因為佢有喇沙、冬蔭公、麻辣等等，友人食左都覺得好正，而我試左個喇沙，食完一塊真係覺得食左濃縮喇沙湯底
鹹味既蟹肉都好正，因為1號好中意食鹹食，而呢個曲奇牛油味唔會好重，所以蟹味更加特出！
呢間曲奇過人之處係佢用好少牛油但依然可以好鬆化，所以可以食到曲奇唔同既味道，即使花茶呢d咁清香既味都唔會比牛油味蓋過，令人感覺更加健康呢
曲奇仲要有咁靚既包裝盒，梗係有買番盒番屋企慢慢試啦。窮遊指數：4/10
好味指數：6.5/10
張貼
