影片
更多
2019-05-12
107 瀏覽
今晚同男朋友出嚟睇復聯4，睇之前緊係要食個晚餐補充下戰力先可以陪住啲英雄三粒鐘啦。之前行過女人街見到佢二樓嘅廣告都已經好想試，加埋見佢有咁多讚，好奇心驅使下好想知到底有幾好食。嚟到附近，有姐姐係咁派傳單同招人入去食。我就諗可能地方太隔涉，老闆驚人搵唔到所以俾錢請多個姐姐招人姐。入到餐廳，客人唔多，地方都昏昏暗暗咁，職員對客人又愛理不理，冇乜精神咁。男朋友就話「好似伏伏地喎，真係好食點會晚餐時段都咁靜局呀？宜家先7點咋喎。」既然上到嚟，就試下啦！打開餐牌，啲嘢食唔平個喎，啲飯平均都60-70蚊，唔包飲品，乜都冇。咁見佢有個飯幾特別，叫農家蓋飯，乜都有啲，緊係嗌嚟試下啦。肉燥係幾好食嘅，唔單係瘦肉，仲有用到連皮五花腩。滷水蛋冇乜味，蛋黃唔夠香。鹽蘇雞唔知翻炸左幾多次，好un咬唔開。隻蝦都算新鮮，雖然冇話新鮮到有鮮甜味，但起碼啲肉冇霉，不過係白烚嘅冇乜味。而男朋友就最保險地嗌左個雞扒肉燥飯。啲雞都係炸得太老，有啲乾，但炸粉唔算好厚，還可以。最後都嗌左款小食，成日見試網有食譜教整醉雞卷，今日終有機會試。可能台式同粵式或試海菜館醉雞整法同落嘅酒唔同，我唔太識欣賞。我覺得唔夠咸同只食到啲酒嘅苦味，
之前行過女人街見到佢二樓嘅廣告都已經好想試，加埋見佢有咁多讚，好奇心驅使下好想知到底有幾好食。
嚟到附近，有姐姐係咁派傳單同招人入去食。我就諗可能地方太隔涉，老闆驚人搵唔到所以俾錢請多個姐姐招人姐。入到餐廳，客人唔多，地方都昏昏暗暗咁，職員對客人又愛理不理，冇乜精神咁。男朋友就話「好似伏伏地喎，真係好食點會晚餐時段都咁靜局呀？宜家先7點咋喎。」
既然上到嚟，就試下啦！打開餐牌，啲嘢食唔平個喎，啲飯平均都60-70蚊，唔包飲品，乜都冇。
咁見佢有個飯幾特別，叫農家蓋飯，乜都有啲，緊係嗌嚟試下啦。
肉燥係幾好食嘅，唔單係瘦肉，仲有用到連皮五花腩。滷水蛋冇乜味，蛋黃唔夠香。鹽蘇雞唔知翻炸左幾多次，好un咬唔開。隻蝦都算新鮮，雖然冇話新鮮到有鮮甜味，但起碼啲肉冇霉，不過係白烚嘅冇乜味。
而男朋友就最保險地嗌左個雞扒肉燥飯。啲雞都係炸得太老，有啲乾，但炸粉唔算好厚，還可以。
最後都嗌左款小食，成日見試網有食譜教整醉雞卷，今日終有機會試。可能台式同粵式或試海菜館醉雞整法同落嘅酒唔同，我唔太識欣賞。我覺得唔夠咸同只食到啲酒嘅苦味，所以有啲失望。我下次一定唔會再試🙈
整體嚟講，啲嘢都好貴，價位同綠色台式連鎖餐廳一樣。但品質同味道，我會情願去返綠色台式連鎖餐廳。
張貼
