茶廳 (已結業)

上次一個人食過佢晏就個叉燒湯意粉真係麻麻地。。本來都已經無乜信心，但最衰阿妹個晚阿爸生日唔記得訂枱，湊住兩個老人家又費時走黎走去等位，所以諗住再俾多次機會佢啦。如果真係難食，以後唔駛諗。。點知佢地個晚飯餐又幾好食我地5大1小叫咗豉椒炒蜆，蒜蓉菜，粉絲大蝦煲，糖醋骨同條爐魚。碟碟熱辣辣上枱碟蜆起碼有9成啲蜆肉仲係到，仲要大大隻粉絲煲啲粉絲又唔會碎晒條魚又夠滑，無蒸過頭。。後尾俾錢問聲先知原來轉咗菜單唔怪之得同之前咁唔同作為為食仔，到處搵食，都係想食到餐好野希望遲啲再有好野食啦。。