影片
更多
2024-09-01
277 瀏覽
適逢佢哋六周年有好多優惠做緊，我哋兩個人都過嚟湊吓熱鬧。但係佢咁多個同六字有關嘅優惠我哋淨係可以玩到其中一個，其他都要多人啲先至可以做。我哋兩個人唯一參與到嘅，就係呢個6秒挑戰，挑戰成功嘅話就會送半份炸雞。我以為佢送俾你嘅就會馬虎求其啊，佢呢份炸雞都鍾意足料㗎。外皮炸到好鬆脆入面嘅肉都仲好嫩滑，係好標準嘅韓式炸雞。我哋一坐低，佢已經會幫你張枱鋪滿晒前菜，最重要嘅係所有前菜都可以無限添，款式數量都好充足。首先喺呢個重點，壽喜燒和牛三筋肉，佢個肉真係好腍，佢呢一個和牛又唔會太油，最重要係職員會幫你燒埋，唔使擔心我呢啲手殘嘅人譭左嚿靚肉。然後佢仲會跟咗四嚿飯團，同埋四隻蛋黃，喺燒嘅時候佢會拎埋舊飯落去碌，然後包到靚靚放喺你面前，再加埋隻蛋黃連埋一齊食，真係好香，勁好食。然後我哋仲叫咗個上等牛肋骨，如果擔心自己嘅技巧，仍然都可以請職員幫手㗎。職員會好細心咁樣幫你剪開幾件咁燒。原來佢哋係有技巧㗎，平時我哋都以為個青檸係攞嚟唧啲汁落個肉度，原來佢哋係燒之前會攞個青檸抹一抹燒網，可以令到青檸嘅味道係燒嘅時候滲返入牛肉度，亦都可以令個網冇咁容易黐底。最後佢哋仲係好有心機咁擺到靚靚，呢個牛肋骨佢有少少筋
我哋兩個人唯一參與到嘅，就係呢個6秒挑戰，挑戰成功嘅話就會送半份炸雞。我以為佢送俾你嘅就會馬虎求其啊，佢呢份炸雞都鍾意足料㗎。外皮炸到好鬆脆入面嘅肉都仲好嫩滑，係好標準嘅韓式炸雞。
我哋一坐低，佢已經會幫你張枱鋪滿晒前菜，最重要嘅係所有前菜都可以無限添，款式數量都好充足。
首先喺呢個重點，壽喜燒和牛三筋肉，佢個肉真係好腍，佢呢一個和牛又唔會太油，最重要係職員會幫你燒埋，唔使擔心我呢啲手殘嘅人譭左嚿靚肉。
然後佢仲會跟咗四嚿飯團，同埋四隻蛋黃，喺燒嘅時候佢會拎埋舊飯落去碌，然後包到靚靚放喺你面前，再加埋隻蛋黃連埋一齊食，真係好香，勁好食。
然後我哋仲叫咗個上等牛肋骨，如果擔心自己嘅技巧，仍然都可以請職員幫手㗎。職員會好細心咁樣幫你剪開幾件咁燒。原來佢哋係有技巧㗎，平時我哋都以為個青檸係攞嚟唧啲汁落個肉度，原來佢哋係燒之前會攞個青檸抹一抹燒網，可以令到青檸嘅味道係燒嘅時候滲返入牛肉度，亦都可以令個網冇咁容易黐底。
最後佢哋仲係好有心機咁擺到靚靚，呢個牛肋骨佢有少少筋，但係燒到啱啱好，肉汁都好豐富，而且牛味都好出，點返佢哋自家製嘅洋蔥汁或者係就咁粗鹽，都已經好好味。
然後仲有一個鰻魚，佢嚟到嘅時候我哋都有啲驚訝，因為都冇諗過會咁大份。同樣地我哋亦都係請咗職員幫手。
呢個鰻魚真係太難啦，又容易燶，又容易燒得唔均勻。最後職員好細心咁樣將佢剪成一件件再搭好佢，因為成個過程都冇調味，所以都好靠佢個甜燒汁。
最後我哋仲叫咗個雪梨水冷麵，味道好清新，啲麵都好爽彈，啱晒食完咁多肉嘅我哋，可以解一解膩。
飲品方面，我哋叫咗一杯檸檬柚子梳打同埋青瓜青檸梳打，兩杯都係比較清，啱晒食完咁多油膩嘢嘅時候飲。
張貼
