爆丼屋 (已搬遷) 新店位置

平日去都爆丼屋門口，都會見到有幾十人排隊，都唔知要排到幾多點，所以一直冇入去試。尋日，見時間尚早，大約五點半去到門口見到唔使排隊，就去試吓。但原來入面都已經坐到full full地。一入到去，座位都幾迫下，再見到份滿有經歷的Menu完全覆蓋着我的餐具，有輕度潔癖的我，已經即時扣晒分。再見到隔離枱叫咗份三文魚火山盛丼，有點覺得伏伏地（佢地最後係食剩一半的）。望住個Menu，同男朋友都不約而同選擇了北海豐盛丼。裏面有海膽、赤蝦、帶子、三文魚子同炙燒左口魚裙邊。刺身都尚算新鮮，但略嫌帶子薄了一點。不過，炙燒左口魚裙邊絕對有驚喜，有少少燒香左味道，口感食落都唔錯。真係好彩冇叫錯野食八卦的我不忘周圍望下周圍的人食d咩，見到個燒鰻魚盛丼都幾多人食，同埋都幾吸引，如果下次再食呢間，都應該會試吓。