正宗蘭州牛肉拉麵 (已結業)

今晚去尖沙咀食晚飯，知道有間正宗蘭州拉麵當然要來試吓啦！餐廳地方好大，又有卡位好舒適，燈光明亮。有幾款套餐可選擇。牛肉拉麵，牛肉好濃厚又好入味，麵條好軟熟，湯底又好好味。蔥油餅炸到好鬆脆又有淡淡香蔥的味道。跟套餐選左土豆絲，土豆絲好爽口又入味酸酸辣辣幾開胃。肉夾饃外層包煎到好脆又鬆軟，肉餡又多又夠味道，幾美味可口。涼拌牛肉（小）好有咬口煙煙韌韌，又夠香口羊肉串燒到好香，肉質嫩滑。牛肉水餃🥟皮薄餡肉又大大塊，咬落又有肉汁，水餃又大大隻。