Cafe Siam (The Plaza ) (已結業)

今晚來到中環附近，來蘭桂坊飲酒的人很多，我同朋友就決定揀呢間樓上泰國菜食，環境夠隱蔽舒適，都較多外國人專登來食。一坐低職員就會先端上新鮮的即炸蝦餅，卜卜脆，蝦味濃郁，咬落香甜有口感。精選小食拼盤，$158, 有炸蝦餅，香蘭葉包雞，炸春卷，沙嗲雞肉串燒等，款式多而吸引，真的抵食，蝦餅彈牙多汁，雞肉串燒肉質香甜嫩滑，沙嗲味道濃郁。明爐香草蒸烏頭魚，$255, 熱騰騰，魚肉鮮甜嫩滑，吸收晒湯汁的酸辣味，好惹味，配上好多粉絲一齊食，爽滑可口。椰汁焗飯，配牛肉，$128, 很特別地用上一整個椰青釀住糯米飯等煮成，椰汁香濃，飯粒軟稔入味有洋蔥蘿蔔等配料，口感豐富。蒜香炒椰菜苗，$128, 菜苗新鮮爽脆，口感清新，炒得剛好熟，芡汁惹味，咸度適中。