陳家菜 @Freshlane (樂基商業中心) (已結業)

今日返工好累，又唔想煮飯，就決定叫外賣，呢間餐廳係共享廚房，無堂食，全部都係外賣既。當然可以用送餐平台送到屋企啦。非常方便首先我地叫左個菠蘿生炒骨，呢個味道非常好，可以做出呢個水準真係好唔錯，可以比美勝過於酒樓，呢個價錢食到住家菜呢個水準真係十分滿足。另一個餸係麻辣雞煲，呢個對我黎講唔算太辣，但友人就覺得有啲辣，見人見志啦，辣度好客觀嘅。呢款味道都唔錯，用黎送飯食一流。呢道既味道真係優勝過好多大酒樓，而且服務態度又好好，真係值得一試。