影片
更多
2016-03-22
1111 瀏覽
韓國菜算叫做食唔少，但亦唔算好多，不過，正正式式食韓式炸雞就今晚叫第一次喇。獻身第一次嘅炸雞店就喺銅鑼灣百樂中心樓上唯一賣韓國嘢嘅Sodam Chicken，點解揀佢？都喺問過好幾位老友嘅推介 。人氣不愧為人氣，門口有人等位，就知裡面有幾爆，見好幾個客無訂位就走上嚟，雖未至於食閉門，但就唔知幾時先有位俾到佢哋喇。堂座呈L形，所以，地方一啲都唔細。環境裝修簡約得嚟幾骨子，一邊白色仿磚牆，一邊淺木牆身，昏黃嘅燈膽配聚焦石英燈，燈光柔和卻又唔會太暗，方便我哋依類又食又影嘅人 。較入位置嘅地方，更以大電視不斷播放K-Pop MV，熱歌熱舞，令氣氛更輕鬆。店內有2人位、，4人位，有小圓枱，亦有卡位。如果爆場，又唔介意坐吧位，入座嘅機率高好多 。餐牌印刷幾精緻，簡簡單單只有幾頁紙，菜式以精簡為主，一頁5款炸雞（$168-$188），一頁5款焗雞（$158-$188），再嚟就喺唔同種類嘅韓式美食，如魚串湯鍋、小食拼盤，更不乏多種飽肚之選，如韓式年糕、薄餅、部隊鍋……等等，唔使擔心只得炸雞食唔飽。正所謂「工欲善其事、必先利其器」，食炸雞搵手拎住食就最過癮，要衛生又唔整污糟隻手，店家已提供膠手套俾
人氣不愧為人氣，門口有人等位，就知裡面有幾爆，見好幾個客無訂位就走上嚟，雖未至於食閉門，但就唔知幾時先有位俾到佢哋喇。堂座呈L形，所以，地方一啲都唔細。環境裝修簡約得嚟幾骨子，一邊白色仿磚牆，一邊淺木牆身，昏黃嘅燈膽配聚焦石英燈，燈光柔和卻又唔會太暗，方便我哋依類又食又影嘅人 。較入位置嘅地方，更以大電視不斷播放K-Pop MV，熱歌熱舞，令氣氛更輕鬆。店內有2人位、，4人位，有小圓枱，亦有卡位。
如果爆場，又唔介意坐吧位，入座嘅機率高好多 。
餐牌印刷幾精緻，簡簡單單只有幾頁紙，菜式以精簡為主，一頁5款炸雞（$168-$188），一頁5款焗雞（$158-$188），再嚟就喺唔同種類嘅韓式美食，如魚串湯鍋、小食拼盤，更不乏多種飽肚之選，如韓式年糕、薄餅、部隊鍋……等等，唔使擔心只得炸雞食唔飽。
正所謂「工欲善其事、必先利其器」，食炸雞搵手拎住食就最過癮，要衛生又唔整污糟隻手，店家已提供膠手套俾大家隨意使用 ；食完炸雞一大埋骨，無問題，兩個小型骨筒就喺準備好俾你放骨之用，唔怕搞到一枱雞骨 。
蜜糖芥末香蔥炸雞 $188 炸雞中，我哋一致認為依一款最有特色，加上落單前見有客人已點，大大碟好有氣勢。雞件炸得金黃，淋上自家調和嘅蜜糖芥末汁，再撒上大量大蔥絲，色香誘人。炸雞就當然要趁熱食，入口外皮故然脆卜卜，雞肉亦夠晒嫩滑多汁 ，皆因小弟一起手就食雞鎚先，不過，表姨生女愛食雞胸，佢話雞胸啲肉都唔嚡，亦唔會炸到「乾爭爭」。
蜜糖芥末香蔥炸雞
$188
33 瀏覽
1 讚好
0 留言
將蜜糖芥末汁連香蔥夾炸雞食真喺一流，而啲汁會瀉晒落碟底，將炸雞沾滿蜜糖芥末汁，個朕甜蜜搭少少芥末辣味，真喺越食越過癮 。一客雞有齊雞鎚、雞翼、脾位、雞胸……等等，大可以各有所好。
首爾風味焗雞 $158 試完個滋味炸雞，焗雞嘅水準又點先？賣相就無炸雞嚟得咁震撼，以藤籃盛載，但份量一樣十足，並配上一小碟拌醬。焗雞無論感覺還是入口，都無咁熱氣，雖然喺焗，出嚟嘅效果都金黃富光澤，色澤均勻。食完都唔喺太知「首爾風味」即喺點，似一般原味嘅焗雞，尤幸皮脆肉嫩，帶點焦香；附帶嘅拌醬初時以為只喺一般嘅沙律醬，嗒落鹹鹹哋，又有啲蒜香，再問問店員，原來喺蒜蓉芝士醬 ，果真幾特別，幾惹味。
芝士白汁年糕 $120 飽肚嘢揀咗年糕嚟墊式，其實因為兩份雞都好足份量，食完都有7乘飽，加上依客年糕確實唔喺嘢少，所以，食得我哋非常飽。碟年糕好似「豬腸粉」咁樣，掛滿芝士白汁，個汁又幾香濃，年糕煙韌有咬口，配少少韓國泡菜，食味不俗，唔覺唔覺又被我哋食得晒 ！
芝士白汁年糕
$120
55 瀏覽
1 讚好
0 留言
食炸雞首選都喺配啤酒，不過，我哋幾位都唔喺好酒之人，但點都要杯凍飲嚟襯吓炸雞先夠爽。飲品選擇一頁過睇晒，有啤酒、真露雞尾酒、無酒精雞尾酒、梳打及汽水。
菊花蜜特飲（Kiss Me Honey）$58 何謂特飲？就喺加入梳打嘅菊花蜜，味道清甜，滲出菊花清香，感覺天然清爽，相信消膩解熱有一定作用吧！超級大杯，夠晒由頭飲到尾，而且，大大朵菊花，雖然喺假嘢，但令個賣相絕對好搶眼。
提子特飲（Passionate Love）$58 另一杯提子特飲以一支彩虹雪條做裝飾，色彩迷人，更大可放心食落肚。提子味嘅梳打，同樣入口清爽；不過，為切合飲品嘅主題，大可以一串去核去皮嘅冰提子代替彩虹雪條。
蜂蜜檸檬綠茶 $38 本來仲有一款蘋果特飲（Seoul Sweet），點埋就可以試齊3款無酒精雞尾酒特飲，可惜，今晚提供唔到，故此，小弟就揀咗杯既開胃，又潤喉嘅蜂蜜檸檬綠茶。蜜檸沉晒底，記得攪勻先好飲！入口冰涼爽快，配炸雞一樣唔錯。
溫馨提示一下，遇着繁忙時段用餐，時限為90分鐘，我哋就啱啱好個半鐘搞掂晒！
晌商業社會上，啲人成鬼日耍手段，出埋啲陰招，正所謂「兵不厭詐」，小弟就最鬼憎，老實講，你無料先要耍陰招啫。我依等嘅餓兵，就從來唔搞咁多嘢，講到食一樣唔會討厭啲「唔健康」嘅炸嘢，況且，今晚啲炸雞做得確有一手，所以，喺同做人無關嘅兵不厭「炸」 ！
張貼
