影片
更多
2019-04-22
997 瀏覽
已去過好多次，見openrice上面的評論都說它服務不好、野食普通。我就不會在五六日來的，因為太旺場，服務有時會麻麻。但其實它是一間超有心機的Cocktail吧，我覺得好多人走漏眼。如果你來到叫生啤，咁你不如行過兩步去隔離的TAP飲，叫wine亦唔需要來呢度，呢度係cocktail好勁。我好耐唔再飲Cocktail，覺得糖水溝酒，不如唔好飲。來到呢度，先至重新發現了cocktail。你睇到呢度可能覺得好似打手鱔稿同廣告咁，但唔好意思，唔係呀，佢地既酒真係好到，值得我咁樣講。鋪頭manager 是Martini世界冠軍，好多基本cocktail做得好好，但來到我覺得要叫他們各自的signature。Bar tender同manager都對cocktail真係有研究，你睇佢地搖杯既手勢、點樣keep住d杯夠凍、用手鑿威士忌的冰、每杯點樣用自己乾燥的水果去garnish、自家煮同infused的香草薑糖漿.....仲有來自世界各地各種烈酒，堅係pro。我覺得或者酒店都飲到，但係唔夠呢度friendly，坐係吧台睇住佢地成晚表演。佢地真係得到cocktail真味，比如sour、bitterne
如果你來到叫生啤，咁你不如行過兩步去隔離的TAP飲，叫wine亦唔需要來呢度，呢度係cocktail好勁。我好耐唔再飲Cocktail，覺得糖水溝酒，不如唔好飲。來到呢度，先至重新發現了cocktail。你睇到呢度可能覺得好似打手鱔稿同廣告咁，但唔好意思，唔係呀，佢地既酒真係好到，值得我咁樣講。
鋪頭manager 是Martini世界冠軍，好多基本cocktail做得好好，但來到我覺得要叫他們各自的signature。Bar tender同manager都對cocktail真係有研究，你睇佢地搖杯既手勢、點樣keep住d杯夠凍、用手鑿威士忌的冰、每杯點樣用自己乾燥的水果去garnish、自家煮同infused的香草薑糖漿.....仲有來自世界各地各種烈酒，堅係pro。我覺得或者酒店都飲到，但係唔夠呢度friendly，坐係吧台睇住佢地成晚表演。
佢地真係得到cocktail真味，比如sour、bitterness、有時善用汽酒帶來新鮮消暑感覺但又不會太薄身似汽水，cocktail完全不是死甜的女仔水果酒咁簡單。連牛奶、麥精、乳酪都用到。朱古力味的酒本來很難做得好，好易似兒童餐飲品或者Bailey雪糕，但佢地用威士忌的苦味吊返上去，成件事做得好靚。我覺得佢地會自己煮糖漿真係好有心機，其實佢可以買返來，但佢地都係選擇自己煮，煩好多。
唔知點解openrice無咩人評佢地Ｄ酒，但如果你坐吧台，會見到佢地真係好有心機，唔係只係做生意，你會感受到，佢地真係好中意自己做緊既野。
我都有試過叫小食，有時好食（蜆竟然好好食）、有時普通（炸野好似正常炸野咁），但就無試過等好耐或太難食。
我唔知佢地算唔算小店，但就真係好有熱誠。好多時放假都想去，但嫌多人，我推薦平日晚上去的。
張貼