鐵板神燒 (已結業)

今日7點已經到，唔需要排隊，不過要在門口點單，但因為得一部機，又無餐牌比人揀定食乜，所以等落單比較耐。呢個安排有待改善。因為睇咗之前食評，對服務、衛生及食物質素有少少擔心。點咗鵝肝西冷牛扒、帶子、和牛、柯仔炒蛋，煎餃子。鵝肝、西冷牛扒同和牛都好好味，其實碗白飯都好食。唯一爭啲係帶子同西冷唔夠熱。服務我嗰個應該係老闆或者舖頭主管，好有禮貌，服務都好好，比咗咭片話下次可以早啲打去預約及訂定海鮮（如需要）。地方亦好乾淨企理。