榮式燒雞扒 (屯門時代廣場北翼)

營業中

休息中

榮式雞扒應該已經好多人捧場，唔需要點介紹，不過我就偏偏鍾意佢既鹽酥雞扒併肉燥飯多些，朋友覺得佢地既肉燥太鹹，我覺得撈飯剛剛好，通常2星期都會幫襯一次，呢排發現佢既燒茄子都幾好食，佢地個價錢策略係單叫飲品十幾蚊，但係加多十蚊就有埋兩大件燒茄子，所以而家次次都係幫襯呢個組合。講完食品，其實特登寫呢篇食評係想講講員工，唔係話佢地對客人無禮貌，當佢正正常常茶餐廳級數唔係特別好或差，但係員工之間對話語氣好差，可能食飯時間大家係忙，但係發同事皮氣，我地客人食飯心情都會受到一點影晌。