好呷台灣火鍋

營業中

休息中

一行八人，包括一個小朋友去打邊爐。叫咗個三號餐，晚市120分鐘，成人$308，小朋友$238，一如其他任食火鍋、放題，小朋友過90就收小童價，我哋呢個小朋友1米高，自然要收費。湯底叫咗椰子雞煲，總括嚟講就係平淡，冇特色可言，牛肉，叫咗麻辣嫩牛肉、牛小排同封門柳，唔對辦，放舊唔知邊樣牛落去，淥咗十分鐘都仲係粉紅色，好難理解係咩狀態，見到咁，大家已經冇咩心機食落去。櫻花蝦墨魚滑，食落去有陣鹹魚味，個個都即刻吐番出嚟，美女廚房評判上身咁，大佬呀，唔係一味搞啲新意思就叫做好架。白蜆，淥完之後有三分之一唔開口都唔會覺得意外。最好味係M字牌雪糕，完。