意粉 360 (已結業)

一因為細佬之前入咗會做會員仲有啲卷未用晒所以就嚟咗呢度食晚飯。我哋一行七個人+1個BB好快就安排左入座職員亦都好快就拎左BB櫈俾我哋。見到佢門口呢有個火山石嘅推廣。咁我哋就分別叫咗一個羊架同埋一個肉眼。 上菜嘅時候見到熱辣辣嘅火山石，吱吱熱，真係好爽。視覺上就一流，食落去就真係一般般喇，牛扒佢好似冇乜味咁，個羊就太肥喇，同埋佢俾你配嗰三個醬汁呢麻麻地。我哋仲叫咗一個Pizza啦一個飯一個意粉。個飯係三樣嘢之中算係最好食㗎啦。Pizza太乾了，意粉就正常啦。但係呢個價錢，喺呢邊d商場確實仲有好多選擇。