影片
更多
2008-07-14
13 瀏覽
朋友知我係甜品狂，話CPK嘅朱古力香蕉蛋糕好正，齋聽個名真係唔覺得有咩咁特別，但既為招牌甜品，一定要試！以前都嚟過食Pizza，都已經覺得唔錯，所以，依次專燈走嚟，食Pizza外，個朱古力香蕉蛋糕梗要點！甜品梗留番臨尾食，先嚟個小食先，打開個餐牌往頭盤欄瞄一瞄，見有個特色焗春卷，有地中海風味，又有墨西哥風味同泰國風味，都幾得意，一於試試先！任揀2款$58，要晒3款$78，因為得兩個人，都怕食唔晒，所以叫2款：地中海同墨西哥風味！地中海嘅餡料有磨菇、茄子、濃香嘅芝士，配搭蕃茄醬，感覺好意大利風味至真；而墨西哥嘅餡料有雞肉、豆蓉、芝士，食落去一陣陣辣味，配搭牛油果醬，感覺真係幾特別！春卷皮睇番個餐牌至知係墨西哥薄餅皮，焗完幾香脆，值得一試！Pizza要咗個鮮芒果烤雞肉薄餅，想食得清新D。顧名思義，有鮮芒果、有烤雞肉，食落又係辣辣哋，但又一朕朕芒果香甜味，原來加咗D芒果辣椒醬，醒神醒胃啦！嚟到尾聲，係今晚主角出場，朱古力香蕉蛋糕，講真，賣相無咩特別，裝飾都欠奉，同普通朱古力香蕉蛋糕無分別，不過，食落口就知味道喇！底層同上層係一貫美式嘅朱古力蛋糕，即係好濃朱古力味，質感較實凈嘅蛋糕，中間白色嘅
甜品梗留番臨尾食，先嚟個小食先，打開個餐牌往頭盤欄瞄一瞄，見有個特色焗春卷，有地中海風味，又有墨西哥風味同泰國風味，都幾得意，一於試試先！任揀2款$58，要晒3款$78，因為得兩個人，都怕食唔晒，所以叫2款：地中海同墨西哥風味！地中海嘅餡料有磨菇、茄子、濃香嘅芝士，配搭蕃茄醬，感覺好意大利風味至真；而墨西哥嘅餡料有雞肉、豆蓉、芝士，食落去一陣陣辣味，配搭牛油果醬，感覺真係幾特別！春卷皮睇番個餐牌至知係墨西哥薄餅皮，焗完幾香脆，值得一試！
Pizza要咗個鮮芒果烤雞肉薄餅，想食得清新D。顧名思義，有鮮芒果、有烤雞肉，食落又係辣辣哋，但又一朕朕芒果香甜味，原來加咗D芒果辣椒醬，醒神醒胃啦！
嚟到尾聲，係今晚主角出場，朱古力香蕉蛋糕，講真，賣相無咩特別，裝飾都欠奉，同普通朱古力香蕉蛋糕無分別，不過，食落口就知味道喇！底層同上層係一貫美式嘅朱古力蛋糕，即係好濃朱古力味，質感較實凈嘅蛋糕，中間白色嘅就係香蕉忌廉，香蕉味勁香勁濃，再面面有一層薄薄嘅朱古力慕絲之後，先到朱古力餅面！黑朱古力嘅甜蜜魔力，香蕉嘅濃香，無得頂呀！
最後，個Pizza果然食唔晒，望望海，對住維港，百零蚊，食咗三樣好嘢，仲要又食又拎，感覺真好！
張貼
