伊賀日本燒肉料理 (已結業)

晏晝約左朋友食lunch，見佢話想食燒肉又想食下放題，就帶佢嚟呢間燒肉放題店啦😳食物選擇都ok多～我地一嚟就點左幾款肉同刺身🤓 等候時間唔算好耐，喺燒緊啲肉嘅時候啲刺身就上枱喇 味道鮮甜而且夠凍，同出面專做日式放題店嘅有得揮架！肉類方面我地分別嗌左牛小排、一口牛、豬頸肉、雞肉、牛肩等等😝份量細細舊，食落都唔會油膩我地encore左牛小排同埋雞肉，因為佢地入口即溶，又好嫩滑，推介👍🏼除左刺身同燒肉，仲有唔少炸物可以揀 炸雞軟骨炸多春魚炸山藥（蕃薯）都好味，食得出係即炸嘅😆最後再嗌左個冷烏冬，麵質有咬口，但係湯底偏淡，如果濃返少少就好喇最後仲送杯雪糕，好滿足😍