食口福 (已結業)

位於舊區的快餐店，當然唔會對佢有太大期望。但相比起連鎖式的快餐店，我倒會選擇前者，起碼較有親切感。過了吃飯時間才去食，因此唔係太多人，可以慢慢睇定食咩，座位亦可以任揀。經一輪考慮後，終於要了三絲炒意粉，凍檸茶，仲有湯水送。菜乾湯好啖，不過都算足料，起碼見到有幾舊菜和豬肉，在這類快餐店來說唔要求得太高。三絲炒意粉就過咸，但份量還算可以。質素可以話係預期之中，有得選擇的話都唔會再幫襯。