影片
更多
2020-04-19
1034 瀏覽
2020年4月15日 星期三難得今日係放假，所以就出去做左一陣運動，舒展下筋骨，再行去買野食喺興華商場見到呢一間茶餐廳，覺得都有好一排冇食過茶記，就行近啲睇吓有咩好食見到寫住每日都有唔同嘅老火湯，又好似幾吸引再睇埋餐牌，有午市套餐，送埋湯同埋飲品都不過係50幾蚊，呢個環境之下都冇加價叫完野食諗住外賣拎返屋企食，所以唯有喺舖頭門口等，等待期間見到一盤盤唔同嘅麵包出爐，全部都金黃色，散發嘅香味令到我忍唔住買返去分享俾屋企人品嘗我分別要咗幾款麵包，最香嘅莫過於雞尾包同奶黃墨西哥包，因為係新鮮出爐，個包仲係脹卜卜咁。返到屋企我再食左雞批，裏面好足料，真係有雞肉同其他餡料至於我嘅午市套餐就要左薑蔥豆豉雞飯，見到飯同餸菜嘅份量都唔少，豆豉雞切到細細舊，食落去唔算太多骨，調味好足夠，夠晒惹味之餘又唔會太過口渴另外仲叫咗杯紅豆冰，由於太耐冇飲，所以心思思好想試吓，見到紅豆差唔多佔咗成杯嘅三分之一，而且每粒都好飽滿，食落去唔會太甜，如果可以少番啲冰就更加好另外仲要咗個鹹牛肉菠蘿包，因為之前完全未見過，所以想試吓一齊食嘅感覺係點，咬落去除咗食到菠蘿包嘅鬆化之外，仲食到鹹牛肉嘅鹹香味，口感非常之豐富我知道食
難得今日係放假，所以就出去做左一陣運動，舒展下筋骨，再行去買野食
喺興華商場見到呢一間茶餐廳，覺得都有好一排冇食過茶記，就行近啲睇吓有咩好食
見到寫住每日都有唔同嘅老火湯，又好似幾吸引
再睇埋餐牌，有午市套餐，送埋湯同埋飲品都不過係50幾蚊，呢個環境之下都冇加價
叫完野食諗住外賣拎返屋企食，所以唯有喺舖頭門口等，等待期間見到一盤盤唔同嘅麵包出爐，全部都金黃色，散發嘅香味令到我忍唔住買返去分享俾屋企人品嘗
我分別要咗幾款麵包，最香嘅莫過於雞尾包同奶黃墨西哥包，因為係新鮮出爐，個包仲係脹卜卜咁。返到屋企我再食左雞批，裏面好足料，真係有雞肉同其他餡料
至於我嘅午市套餐就要左薑蔥豆豉雞飯，見到飯同餸菜嘅份量都唔少，豆豉雞切到細細舊，食落去唔算太多骨，調味好足夠，夠晒惹味之餘又唔會太過口渴
另外仲叫咗杯紅豆冰，由於太耐冇飲，所以心思思好想試吓，見到紅豆差唔多佔咗成杯嘅三分之一，而且每粒都好飽滿，食落去唔會太甜，如果可以少番啲冰就更加好
另外仲要咗個鹹牛肉菠蘿包，因為之前完全未見過，所以想試吓一齊食嘅感覺係點，咬落去除咗食到菠蘿包嘅鬆化之外，仲食到鹹牛肉嘅鹹香味，口感非常之豐富
我知道食完呢餐之後又要唔知做返幾多運動先可以消化到，不過真係食得好滿足
張貼
