老鍋台式火鍋 (京都廣場) (已結業)

一向都喜歡食火鍋， 今次行經銅鑼灣， 見到間叫老鍋台式火鍋店， 嗰鍋外型好吸引， 價錢仲唔貴添！ 咁就入去食下囉。🍭養生+酸菜鴛鴦鍋+ 梅花豬肉有話夏天係最佳補身時機， 咁就揀咗個養生同酸菜鴛鴦湯底。養生湯有藥材之外，仲加咗紅棗， 杞子同圓肉，提升嗰湯嘅甜味。 另一邊就係惹味嘅酸菜底。其實個鍋巳有滿滿嘅甜粟米， 大蔥， 豆腐， 鮮菇， 薯粉之類嘅配菜，食配菜巳非常足夠，再跟碟梅花豬肉暖胃， 啲豬肉色澤粉嫰， 脂肪分佈均勻，稍稍一燙巳熟，再走去自助醬料吧， 加啲芫茜， 蒜泥， 沙茶醬之類， 沾肉再吃，真的非常滿足。正！