燉 (協成行灣仔中心) (已結業)

灣仔開左間新店經過就去左試下，原來係明星楊明開既，就以為明星開既店cp值都唔高點知好驚喜😍😍叫咗兩個湯，分別係無花果蟲草花燉雞同埋猴頭菇螺片燉瘦肉，兩個湯都好清甜，啱晒健康人士飲。佢仲要冇乜油，所以連飛油都唔使。飲得出係真材實料，絕對冇味精。但係如果重口味嘅人士佢哋好貼心，有提供鹽包，比大家額外落落啲湯度。👍🏻👍🏻而係買嘢食嗰陣，啲店員會推介你飲啲咩湯咁大家可以參考下。而場內嘅環境好寬躺好舒服，有啲位仲可以叉電添。洛神花茶飲得出係好健康自己煲，買返嚟嗰啲唔同。個飯都幾好味，原本嘅味道都夠但係落咗甜豉油會更加好味。